පස් දෙනෙකු රෝහලට යැවූ කැබ් අනතුර..

COLOMBO (News 1st) - නල්ලතන්නිය - මස්කෙලිය ප්‍රධාන මාර්ගයේ මස්කෙලිය බ්‍රවුන්ලෝ වත්ත ප්‍රදේශයේදී කැබ් රථයක් මාර්ගයෙන් පැන පෙරලීමෙන්  අනතුරක් සිදුව තිබේ.

පොලිසිය පැවසුවේ අනතුරින් පුද්ගලයින්  පස්දෙනෙකු තුවාල ලබා රෝහල් ගත කළ බවයි.

ශ්‍රී පාද වන්දනාවේ පැමිණ යළි ගොඩකවෙල දක්වා ධාවනය කළ අදාළ කැබ් රථයේ එකම පවුලේ පුද්ගලයින් 07 දෙනෙකු ගමන් කර ඇත.

තුවාල ලැබූවන් මස්කෙලිය ප්‍රාදේශීය රෝහල වෙත ඇතුළත් කිරීමෙන් පසුව දික්ඔය මූලික රෝහල වෙත මාරු කර යැවූ බව අප වාර්තාකරු සඳහන් කළේ ය.