සියලු දිසා අධිකරණවල නඩු ගොනු සඳහා ඩිජිටල් පද්ධති හඳුන්වාදීමට පියවර....

COLOMBO (News 1st) - සියලු දිසා අධිකරණවල විභාගවන නඩු සඳහා ගැලපෙන පරිදි විද්‍යුත් ගොනු කිරීමේ ඩිජිටල් පද්ධති හදුන්වාදීමට පියවර ගෙන තිබේ.

අධිකරණ සේවා කොමිෂන් සභාව සඳහන් කළේ, එහි පළමු පියවර ලෙස කොළඹ සුළු හිම්කම් අධිකරණයේ විද්‍යුත් නඩු ගොනු කිරීමේ ඩිජිටල් පද්ධතිය ඊයේ (23) ආරම්භ කළ බවයි.

ඒ අගවිනිසුරු ප්‍රීති පද්මන් සූරසේනගේ ප්‍රධානත්වයෙනි.

ඒ අනුව ඉදිරි සති දෙක තුළ දිසා අධිකරණ, මහේස්ත්‍රාත් අධිකරණ සහ මහාධිකරණ සඳහාද එම ඩිජිටල්කරණය ආරම්භ කරන බව අධිකරණ සේවා කොමිෂන් සභාව සඳහන් කළේ ය.