දිස්ත්‍රික්ක 4 කට ප්‍රබල අකුණු අනතුරු පිලිබඳ අවවාදාත්මක නිවේදනයක්.

COLOMBO (News 1st) - කළුතර, රත්නපුර, ගාල්ල සහ මාතර දිස්ත්‍රික්කවල ඇතැම් ප්‍රදේශවලට ගිගුරුම් සහිත වැසි සමග ප්‍රබල අකුණු ඇති විය හැකි බව, කාලගුණ විද්‍යා දෙපාර්තමේන්තුව පවසයි.

ප්‍රබල අකුණු පිළිබඳ අවවාදාත්මක නිවේදනයක් නිකුත් කරමින් කාලගුණ විද්‍යා දෙපාර්තමේන්තුව ජනතාවට දැනුම් දෙන්නේ, අකුණු අනතුරුවලින් ආරක්ෂා වීමට අවශ්‍ය පියවර ගන්නා ලෙසයි.

මේ අතර, උතුර, උතුරු මැද, නැගෙනහිර, ඌව, මධ්‍යම සහ වයඹ පළාත්වලට වැසි ඇති විය හැකියි.

දිවයිනේ සෙසු ප්‍රදේශවලට මිලිමීටර 50ට වැඩි තරමක තද වැසි ඇති විය හැකි බව, කාර්යයේ නියුතු කාලගුණ විද්‍යා දෙපාර්තමේන්තුව සඳහන් කළේ ය.