ඉන්දීය යුද හමුදා මාණ්ඩලික ප්‍රධානී ජෙනරාල් උපේන්ද්‍ර ද්විවේදි නිල සංචාරයක් සඳහා අද දිවයිනට...

COLOMBO(News1st) - ඉන්දීය යුද හමුදා මාණ්ඩලික ප්‍රධානී ජෙනරාල් උපේන්ද්‍ර ද්විවේදි නිල සංචාරයක් සඳහා අද (08) දිවයිනට පැමිණීමට නියමිතයි.

ඉන්දීය මාධ්‍ය වාර්තා කළේ, මිත්‍ර පාක්ෂික රටවල් සමග ආරක්ෂක සහයෝගීතාව තවදුරටත් ශක්තිමත් කිරීම එහි මූලික අරමුණ වන බවයි.

සංචාරයේදි ජෙනරාල් උපේන්ද්‍ර ද්විවේදි ,  යුද හමුදාපති, ආරක්ෂක ලේකම්, ආරක්ෂක නියෝජ්‍ය අමාත්‍යවරයා ඇතුළු ජ්‍යෙෂ්ඨ හමුදා  නායකයින් හමුවී සාකච්ඡා පැවැත්වීමට නියමිතව තිබේ.

එම සාකච්ඡාවලදී පුහුණු සහයෝගීතාව සහ කලාපීය ආරක්ෂාව පිළිබඳව අවධානය යොමු කෙරෙනු ඇති.