COLOMBO (News 1st) -
ජ්යෙෂ්ඨ නියෝජ්ය පොලිස්පති ප්රියන්ත වීරසුරිය මහතා වැඩබලන පොලිස්පතිවරයා ලෙස පත් කර තිබේ.
ඒ, ජනාධිපති අනුර කුමාර දිසානායක මහතා විසිනි.
අද (27) සිට බලපැවැත්වෙන පරිදි මෙම පත් කිරීම සිදු කර ඇත.
කොළඹ විශ්වවිද්යාලයේ නීතිවේදි උපාධිධාරියෙක් වන ප්රියන්ත වීරසුරිය මහතා ශ්රී ලංකා නීති විද්යාලයේ නීතිඥවරයෙකු ලෙස දිවුරුම් දීමෙන් පසු සහාකාර පොලිස් නිලධාරියෙකු ලෙස උසස්වීම් ලැබුවේ ය.
ඔහු මානව සම්පත් කළමනාකරණය පිළිබඳ ව්යාපාර පරිපාලනවේදී උපාධිධාරියෙකි.
ප්රියන්ත වීරසුරිය මහතා, උතුරුමැද පළාත් ජ්යෙෂ්ඨ නියෝජ්ය පොලිස්පතිවරයා ලෙස ද කටයුතු කළේ ය.
පොලිස් අපරාධ හා රථවාහන දිශාව භාර නියෝජ්ය පොලිස්පතිවරයා ලෙස හා පොලිස් සැපයුම් අධ්යක්ෂකවරයා ලෙස ද ඔහු කටයුතු කර තිබේ.
ප්රියන්ත වීරසුරිය මහතා, නැගෙනහිර ටිමෝටය හා හයිටි රාජ්යයේද එක්සත් ජාතින්ගේ සාම සාධක කටයුතු සඳහා එක්ව තිබීම විශේෂත්වයකි.
පොලිස් කොස්තාපල්වරයෙකු ලෙස සේවයට එක්වී වසර 158ක පොලිස් ඉතිහාසය තුළ පොලිස්පතිවරයා ලෙස පත්වීම් ලද එම නිලධාරියා ප්රියන්ත වීරසුරිය මහතා බව ජනාධිපති මාධ්ය අංශය නිවේදනය කළේ ය.