COLOMBO(News1st) - ජෙනරල් ශ්‍රීමත් ජෝන් කොතලාවල රාජ්‍ය ආරක්ෂක විශ්වවිද්‍යාලයට නව කුලපතිවරයෙක් පත් කෙරේ.

ජනාධිපති අනුර කුමාර දිසානායක මහතා විසින් ජෙනරල් ශ්‍රීමත් ජෝන් කොතලාවල රාජ්‍ය ආරක්ෂක විශ්වවිද්‍යාලයේ නව කුලපතිවරයා ලෙස එයාර් චීෆ් මාර්ෂල් (විශ්‍රාමික) කෝලිත ඒ. ගුණතිලක මහතා පත් කරනු ලැබ තිබේ.

ඊට අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක මහතා විසින් අද (05) පස්වරුවේ ජනාධිපති කාර්යාලයේදී ඒ මහතා වෙත පිළිගන්වන ලදී.

එයාර් චීෆ් මාර්ෂල් (විශ්‍රාමික) කෝලිත ඒ. ගුණතිලක මහතා ශ්‍රී ලංකා ගුවන් හමුදාපතිවරයා ලෙස මෙන්ම ආරක්ෂක මාණ්ඩලික ප්‍රධානී ලෙස ද කටයුතු කර ඇත.